Рочна скупштина Союзу Руснацох Українцох Сербиї
ПОВОЛАНКА
Поволуєм Вас на Рочну скупштину Союзу Руснацох Українцох Сербиї хтора будзе отримана 14. юния 2009. року на 11 годзин у сали КУД "Карпати", Нєґошева 21 у Вербаше.
ДНЬОВИ ШОР
1. Вибор роботного предсидательства
2. Вибор записнїчара
3. Вибор верификацийней комисиї
4. Уводне слово
5. Слово маю госци
6. Звит верификацийней комисиї
7. Звит о роботи Союзу у 2008. року
8. Финансийни звит за 2008. рок
9. План роботи у 2009. року
10. Финансийни план за 2009. рок
11. Дискусия, предкладаня и заключеня
12. Рижне
Предсидатель Боґдан Виславски, ср.
РОЧНА СКУПШТИНА СОЮЗУ РУСНАЦОХ УКРАЇНЦОХ СЕРБИЇ ОТРИМАНА У ВЕРБАШЕ 14. ЮНИЯ У КПД „КАРПАТИ”
XIX Рочна Скупштина Союзу Руснацох Українцох Сербиї у Вербаше
На схадзки хтору водзел предсидатель Союзу Богдан Виславски, а у роботним
предсидательстве ше находзели др Мария Сакач и София Мученски, прилапени
звит о роботи и финансийни звит за прешли рок. План роботи за тот рок
поднєсол Йоаким Грубеня, член Вивершней Ради Союзу а финансийни план
за тот рок пречитал Велимир Паплацко подпредсидатель Союзу.
Як гварел Виславски прешли рок бул чешки у поглядзе финансованя Союзу
пре виберанки у Сербиї, а тот рок будзе вироятно ище чежши пре економску
кризу, алє ше Союз будзе намагац же би витворел голєм векшу часц запланованих
активносцох и проектох.
На Скупштини бешедовали домашнї – академик Юлиян Тамаш, як и госци –предсидатель
СФУЛО Володимир Ропецки, Владимир Максимович зоз ЗАД, Павло Чучка младши
зоз Ужгороду и Лидия Плахтий зоз Львова.
XIX Рочна Скупштина Союзу Руснацох Українцох Сербиї у Вербаше
Академик Ю. Тамаш бешедую на Скупштини Союзу
Володимир Ропецки, предсидатель СФУЛО
на Рочней Скупштини Союзу
Виступ Володимира Максимовича зоз ЗАД
Професор Павло Чучка младши зоз Ужгороду зоз України
тиж вжал учасц у роботи Скупштини
У Звиту о роботи Союзу у предходним року предсидатель Богдан Виславски
визначел же Союз вельо зробел и попри барз малих финансийних средствох.
Организовали зме вельо госцованя на фестивали у иножемстве а на нїх
участвовали асамбли зоз наших местох. Так КПД „Карпати” були на фестивалу
у Свиднїку, КПД „Петро Кузмяк” зоз Нового Орахова було на фестивалу
у Ждинї а орхестра истого дружтва зоз шпивачами Борисом Магочом и Саню
Полдруги були госци на Маковицкей Струни у Бардейове. Будземе ше трудзиц
и того року же би нашо друштва були госци на тих и на других фестивалох
хтори организую нашо людзе у Европи.
Велька робота зробена и на формованю редакциї сайта Союзу, так же найважнєши
информациї заинтересовани можу пречитац на адреси www.rusuk.org .
Скупштина принєсла одлуку же би Михал Еделински зоз Нового Орахова,
дзекуюци його велькей активносци бул уключени до Вивершней Ради Союзу.
У плану роботи за наиходзаци период Йоаким Грубеня визначел же найважнєйше
же би Союз оможлївел младим генерацийом наступац на иножемних и домашнїх
фестивалох, як же би и успишно сотрудзовал зоз державнима покраїнскима
и општинскима органами.
На законченю, Скупштина Союзу Руснацох Українцох Сербиї потвердзела
Резолуцию, хтору дзень пред тим прилапело предсидательство СФУЛО. Резулуцию
презентовал др. Янко Сабадош зоз Београду.
Велимир Паплацко
