Вісник Світової Федерації Українських Лемківських Об"єднань

2015

Вісник СФУЛО. ©. Офіційне виданн Світової Федерації Українських Лемківських Об’єднань.
Виходить раз на місяць.
Основна мета часопису – динамічно висвітлювати діяльність усіх суб’єктів
СФУЛО.

Номери вісника можна буде скачати зі сайту СФУЛО: www.sfulo.com/biblioteka
Адреса редакції: visnyk.sfulo@gmail.com.
Можна надсилати свої матеріали. Рішення про публікацію прийматиме редакційна рада.

Боґдан Виславски

ОЗНАЧЕНА ДВАЦЕЦРОЧНЇЦА ДРУЖТВА "ЛЕМКИВЩИНА"

У Львове,у України, од 12. до 14. януара 2009. року отримана святочносц з нагоди снованя тей организациї Лемкох/Русинох . Програма почала пондзелок, кед у просторийох Политехнїчного институту у Львове означени Крачунски швета под назву «Лемковска вилїя». На истей програми ше позберало вельке число Лемкох/Русинох з України, од Закарпатскей обласци прейґа Львова и Києва, па до Луганска. Шицки пришли зоз торбами у котрих принєсли єдзене и пице, же би ше вєдно погосцели и означели тото швето. На програми виведзени и вецей Вертепи, а госцох забавяла и позната шпивачка лемковских/русинских писньох София Федина.

Другого дня отримана наукова конференция под назву « Товариство Лемкивщина у орбити українского дружтва». Манифестация отримана у прекрасним амбиєнту «Палати Пилсудских», а уводне слово дал предсидатель тей организациї Олександр Венгринович. На конференциї виступели велї науково роботнїки, як Иван Щерба, Иван Красовски, Галина Щерба, Степан Панейко, Орест Чабан, Марта Капрал, Степан Кишчак, Ярослав Бодак, София Федина, предсидатель СФУЛО и познати скулптор Володимир Ропецки итд. Медзи иншима, виступел и нам добре познати академик з Пряшова Микола Мушинка. Вон порихтал виклад на тему «Култура русинох-українцох Словацкей у контексту Европского союзу и перспективи єй розвитку». Окрем того, вон презентовал свойо кнїжки «Дописоване Ивана Зилинского з Иваном Панькевичем» и « Лїкователь тїла и души».

Истого дня отримана и схадзка предсидательства СФУЛО. Як и на цалей манифестациї, окрем домашнїх, ту були представителє Союзу Русинох-Українцох Словацкей, Обєднаня Лемкох зоз Польскей и Союзу Русинох Українцох Сербиї. Догваряло ше коло дальших активносцох, а идуца схадзка предсидательства ма буц отримана у мешацу юниюу того року у Сербиї, преширена и зоз другима манифестациями.

Остатнього дня, дополадня, отримана служба Божа у Лемковскей церкви у Львове, а пополадню отримани святочни концерт у будинку львовскей опери. На концерту, котри тирвал вецей як три годзини, приказана дїялносц амтерских групох Лемкох/Русинох, як и дїялносц велїх уметнїкох. На концеру були представителье городскей власци, високи представителє церкви, заменїк министра култури и туризму України Олґа Бенч итд.

 

М. М. Цап

Нащива делеґациї Союзу Русинох-Українцох Словацкей

СТРЕТНУЦЕ НА НАЙВИСШИМ УРОВНЮ


Под час тогорочного 19. Фестивалу новей рускей народней шпиванки „Ружова заградака”, котри отримани у Новим Садзе 29. марца, як госци зоз Словацкей припутовали члени найузшого руководства Союзу Русинох-Українцох Словацкей Републики (СРУС), на чолє з єй предсидательом инж. Петром Соколом.

Делеґация була госц Союзу Руснацох Українцох Сербиї и у нєй були ище троме функционере тей найвекшей културно-дружтвеней орґанизациї Русинох-Українцох Словацкей: доц. др Юрий Шпирко, подпредсидатель СРУС, Павло Боґдан, секретар СРУС и Мирослав Илюк, главни редактор новинох „Нове життя”.

После вибору нового руководства Союзу Русинох-Українцох Словацкей, котри окончени початком того року, була то перша нащива госцох зоз Пряшова нашей жеми. Под час нащиви госци ше першираз урядово стретли з членми и руководством Союзу Руснацох Українцох Сербиї, а то була и нагода вичерац думаня и догвариц ше о дальшим сотруднїцтве котре з каждим роком приноши вше лєпши резултати.


В. Паплацко

Нови предсидатель Союзу Русинох-Українцох Републики Словацкей Петро Сокол

У Пряшове соботу 24. януара у присустве 67 делегатох и вецей як 40 госцох отримана Пията скупштина Союзу Русинох-Українцох Републики Словацкей, на хторей розпатрена диялносц тей найвекшей културно-дружтвеней организациї Русинох-Українцох у Републики Словацкей.
Источасно тота скупштина була и виберанкова и на нєй вибрани 25 члени Централней ради Союзу и 9 члени предсидательства. За нового предсидателья Централней ради Союзу вибрани инжинєр Петро Сокол зоз Старей Любовнї.
Приоритетни задатки Союзу у наступним периодзе буду очуванє националного индентитету, ришованє проблемох у школстве, организованє централних фестивалох култури у Свиднїку, Камйонки, Бардейове, Медзилаборцох, Снїни, як и регионалних манифестацийох. Тиж так у найскоршим чаше будзе требац розришиц проблематику коло радио емисийох Радио Пряшова, хтори програму емитує програму зоз Кошицох, а єй обсяг у остатнїм чаше значно часово зменшани.( зоз 16 на 10,5 годзини тижньово), як зме дознали у телефонскей розгварки зоз Павлом Богданом нововибраним подпредсидательом Союзу Русинох-Українцох Републики Словацкей.

 

Петро Сокол нови предсидатель Союзу Русинох-Українцох Републики Словацкей зоз подпредсидательом Союзу Русинох Українцох Сербиї Велимиром Паплацком

Петро Сокол зоз членами Союзу Русинох-Українцох Републики Словацкей и подпредсидательом Союзу Русинох Українцох Сербиї Велимиром Паплацком



Get free Dreamweaver templates and extensions at JustDreamweaver.com